હું શોધું છું

હોમ  |

સંદેશ
Rating :  Star Star Star Star Star   

કમાન્ડન્ટ જનરલશ્રી નો સંદેશ

હોમગાર્ડઝ –

        ગૃહ રક્ષક દળ એ નિષ્કામ સેવા અને માનદ્દ સેવા ને વરેલું, સમાજ નાં વિવિધ વર્ગોનું બનેલું દળ છે. બૃહદ મુંબઈ રાજ્ય માંથી ગુજરાત અલગ થયું ત્યારે હોમગાર્ડઝ નું રાજ્ય નું સંખ્યાબળ ૫,૧૦૦ હતું. જ્યારે હાલ માં આ સંખ્યાબળ વધી ને ૪૫,૨૮૦ જેટલું કરવામાં આવેલ છે. હોમગાર્ડઝ દળ નાં માનદ્દ હોમગાર્ડઝ સભયો પોલીસ ની મદદ માં કાયદો અને વ્યવસ્થા ની ફરજો જેવી કે, રાત્રી ફરજ, નાકા બંધી, ધાર્મિક બંદોબસ્તો, વી આઈ પી ફરજો બજાવે છે. આ  ઉપરાંત કુદરતી તેમજ માનવ સર્જીત આપત્તી નાં સમયે વહીવટી તંત્ર ની સાથે ખડા પગે ઉભા રહે છે.

      આ માનદ્દ સભ્યો દ્વારા સરકારી સંસ્થાઓ જેવી કે, સિવિલ હોસ્પીટલ, માનસિક આરોગ્ય કેન્દ્ર, અંબાજી મંદિર, એરપોર્ટ, સરકારી બેન્કો જેવી સંસ્થાઓ ખાતે ફરજો બજાવે છે.

     સામાન્ય ચુંટણી નાં સમયે કેન્દ્ર / રાજ્ય ચુંટણી આયોગ ની સુચના મુજબ ગુજરાત વિધાન સભા ચુંટણી – ૨૦૧૭ માં ૩૧,૦૫૯ હોમગાર્ડઝ સભ્યો, લોકસભા - ૨૦૧૯  ચુંટણી માં ૩૪,૮૭૦ હોમગાર્ડઝ સભ્યો, મધ્યપ્રદેશ વિધાનસભા ચુંટણી – ૨૦૧૮ માં પ્,૧૧૧ હોમગાર્ડઝ સભ્યો, રાજસ્થાન વિધાનસભા ચુંટણી – ૨૦૧૮ માં ૫,૧૩૦ હોમગાર્ડઝ સભ્યો, મહારાષ્ટ્ર વિધાનસભા ચુંટણી – ૨૦૧૯ માં ૫,૧૮૩ હોમગાર્ડઝ સભ્યોને ફરજ ઉપર મોકલી યોગદાન આપેલ છે.

       હોમગાર્ડઝ દળનાં સભ્યો પોતાની ફરજો ઉપરાંત સામાજીક સેવા જેવી કે, બ્લડ ડોનેશન, વૃક્ષા રોપણ, સ્વચ્છતા અભિયાન, હેલથ અવેરનેસ રેલીઓ માં ભાગ લઇ ને, સમાજ ને પોતાની ઉતકૃષ્ઠ સેવાઓનો લાભ આપે છે.   

બોર્ડર વિંગ હોમગાર્ડઝ –

        વર્ષ ૧૯૭૧ નાં ભારત – વિરૂધ્ધ પાકિસ્તાન નાં યુધ્ધ પછી દેશ ની સરહદો ની રખેવાળી માટે તેમજ સરહદો વધારે સુદ્રઢ કરવા તેમજ હોમગાર્ડઝ ની સેવા લેવા ના હેતુ થી કચ્છ તથા બનાસકાંઠા જીલ્લા માં વર્ષ ૧૯૭૯ માં  સરહદીપાંખ ની બે બટાલિયન ની સ્થાપના કરવામાં આવી. બોર્ડરવિંગ હોમગાર્ડઝ નાં જવાનો બી એસ એફ અને આર્મી સાથે ખભે – ખભા મિલાવી દેશ માટે સરહદ ઉપર અને દેશ ની અંદર આઈ એસ ડ્યુટી બજાવે છે. ગુજરાત રાજ્ય નાં વાઈટલ એરિયા તથા વાઈટલ પોઈન્ટો  ( VA / VPs ) ની જાળવણી ની અતિ મહત્વની કામગીરી પણ સોંપવામાં આવે છે. યુધ્ધનાં સમયે આ દળ આરમીનાં અંકુશ હેઠળ કાર્ય કરે છે અને ઓપરેશનલ ટાસ્ક પણ આપવામાં આવે છે.

        બોર્ડરવિંગ હોમગાર્ડઝ નાં જવાનો દ્વારા વર્ષ – ૨૦૧૪ માં પાંચ ( ૦૫ )  કંપની મહારાષ્ટ્ર માં ચુટણી ફરજમાં, વર્ષ – ૨૦૧૯ માં છ ( ૦૬ ) કંપની લોકસભા ચુંટણી તેલંગાણા, ગુજરાત, રાજસ્થાન, દિલ્હી, હરિયાણા, પંજાબ ખાતે ફરજમાં હતી તેમજ  સાત ( ૦૭ ) કંપની વિધાનસભા ચુંટણી મહારાષ્ટ્ર ખાતે ફરજ પર મોકલવામાં આવેલ હતી. તેઓએ રાજ્યનાં સામરીક મહત્વનાં સંસ્થાનો ની સુરક્ષા ની કામગીરી સફળતાપુર્વક પાર પાડેલ છે.        

        જય હિન્દ.

ટી એસ બિષ્ટ  IPS

કમાન્ડન્ટ જનરલ હોમગાર્ડઝ,

ગુજરાત રાજ્ય, અમદાવાદ.

 

 


આપની સેવામાં

 

 તસ્વીરો

 

 સંપર્ક માળખું

સંપર્ક માળખું

 નામ મુજબ શોધો

 સ્થળ મુજબ શોધો

 વિગતવાર જુઓ
 

  ડિસ્ક્લેમર     |     પ્રતિભાવ

Last updated on 24-10-2019